“မြေလွတ်မြေရိုင်းနဲ့ လယ်ယာမြေက ဘာကွာသလဲဆရာ။ မြေလွတ် မြေရိုင်းတွေကိုအရောင်းအဝယ်လုပ်လို့ ရပါသလားဆရာဟု” မိတ်ဆွေတစ်ဦး သားဖြစ်သူကစာရေးသူထံလာရောက် တိုင်ပင်ခြင်းဖြစ်ပါသည်။
“မြေလွတ်မြေရိုင်းနဲ့ လယ်ယာမြေက အမျိုးအစားခြင်းမတူဘူး။ လုပ်ပိုင်ခွင့် ဥပဒေကလည်း သီးခြားစီဖြစ် တယ်”
“ဟုတ်ကဲ့ဆရာ၊ စိုက်ပျိုးမြေ တွေပဲဆိုပြီး တူတယ်ထင်နေတာ”
“မြေလွတ်မြေလပ်ဆိုတာက၊ ယခင်သီးစားခံယူ လုပ်ကိုင်လာခဲ့ရာ၊ အကြောင်းအမျိုးမျိုးကြောင့်၊ စွန့် လွှတ်ထားပြီး၊ သီးစားလုပ်ကိုင်သူမရှိတဲ့ စိုက်ပျိုးရေး မြေ၊ ဒါမှမဟုတ် မွေးမြူရေး လုပ်ငန်းလုပ်ကိုင်နိုင်တဲ့မြေ၊ နိုင်ငံတော်ကသီးသန့်လျာထား သတ်မှတ်ထားတဲ့မြေ အမျိုးအစားဖြစ်တယ်။ မြေရိုင်းကတော့ သစ်ပင်၊ ၀ါး ပင် ဒါမှမဟုတ် ခြုံနွယ်များ ပေါက်ရောက်ပြီး မြေမျက်နှာညီညာသည်ဖြစ်စေ၊ မညီမညာသည်ဖြစ်စေ၊ တစ်ကြိမ် တစ်ခါမျှလုပ်ကိုင် အသုံးပြုခဲ့ ခြင်းမရှိတဲ့မြေသစ် ဖြစ်တယ်။ မြေရိုင်း၊ တောရိုင်းမြေလို့လည်း ခေါ်တယ်။ကြိုးဝိုင်းသစ်တောမြေ၊ စားကျက်မြေနဲ့ အင်းအိုင်မြေများ ပါဝင်တယ်လို့ မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးဥပဒေမှာ အဓိပ္ပာယ်ဖွင့်ဆိုထားတယ်”
