SSD ဝယ်မယ်ဆိုရင်

SSD ဝယ်မယ်ဆိုရင်

 ================= 

 SSD ရွေးတော့မယ်ဆို speed ကိုပဲကြည့်ကြပြီး အခြား Spec တွေသိပ်အာရုံမစိုက်ကြတာများပါတယ်။ SSD မှာ Read/write speed အပြင်ကိုမှ အခြား spec တွေရှိသေးတဲ့အပြင် SSD ကိုတည်ဆောက်ထားတဲ့ Component တွေရဲ့ Quality လဲရှိပါသေးတယ်။ အဲ့ထဲကမှ Speed တူတူပဲဆိုပြီး ဈေးထက်ဝက်လောက် သက်သာနေမဲ့ တရုတ်အပေါစား SSD တွေဝယ်လိုက်တဲ့အခါ ဘာဖြစ်နိုင်သလဲ ??? ကိုယ်က ကိုယ့်ပိုက်ဆံကို ထုတ်ပေးပြီး ဝယ်ထားရတဲ့အတွက် နောက်ပိုင်းမနစ်နာအောင် ဘာတွေကြည့်ရမလဲ။ အခု့ကျွန်တော်မျှဝေပေးသွားမဲ့ ခေါင်းစဉ်တွေက 👉 Read/write speed 👉 4K performance 👉 Preparing + Wrapping up (entire process) 👉 SSD တစ်ခု့ရဲ့သက်တမ်း။ Read/write Speed -------------------- File တစ်ခု့ကို တစ်နေရာကနေ တစ်နေရာကို ကူးပြောင်းတာပဲဖြစ်ဖြစ် အသစ်ဖန်တီးတာပဲဖြစ်ဖြစ် လက်ခံတာပဲဖြစ်ဖြစ် Read/write speed များလေ မြန်မြန်ပြီးလေဖြစ်ပါတယ်။ ဒါမဲ့ read/write speed တူတိုင်းလဲ လုပ်ငန်းပြီးတဲ့နေရာမှာ မြန်မြန်မပြီးပါဖူး။ ဘာလို့လဲဆိုတာ အောက်မှာဆက်ပြီးပြောပြသွားပါ့မယ်။ 4K performance ------------------- 4K performance ဆိုတာ resolution ကိုပြောတာမျိုးမဟုတ်ပဲနဲ့ kb လောက်ပဲရှိတဲ့ size အရမ်းသေးတဲ့ file လေးတွေကို စီစစ် ကူးပြောင်းတဲ့နေရာမှာ Performance ဘယ်လောက်ရှိလဲဆိုတာကိုတိုင်းတာပါ။ File ကူးတာပဲဖြစ်ဖြစ် ဖတ်ရတာပဲဖြစ်ဖြစ် run ရတာပဲဖြစ်ဖြစ် အသစ်ဖန်တီးတာပဲဖြစ်ဖြစ် သေးသေးလေးတွေများလာရင် 4K performance ကစကားပြောပါတယ်။ ဥပမာ web brower သုံးတာက 4K performance ပိုကောင်းရင် ပိုမြန်ပါတယ်။ Chrome ဆို တော်တော်စားတဲ့အတွက် သိသာပါလိမ့်မယ်။ Preparing + Wrapping up ------------------- Folder တစ်ခု့ထဲမှာ file သေးသေးလေးတွေလဲရှိမယ် အကြီးတွေလဲရှိမယ်။ အဲ့ကောင်ကို တစ်နေရာကနေ တစ်နေရာကို Copy ကူးတယ်ထားပါတော့။ သူ့ Process က ခိုင်းတယ်>ပြင်ဆင်တယ် > လုပ်ဆောင်တယ် > အပြီးသတ်တယ်။ ကိုယ်က ခိုင်းလိုက်တာနဲ့ Paste နှိပ်လိုက်တာနဲ့ ပြင်ဆင်တဲ့လုပ်ငန်းကိုစပါပြီ။ အဲ့ဒါက သူ့ရဲ့ Speed သက်သက်ရှိပါသေးတယ်။ ဒါကြောင့် အပေါစား Speed တူ SSD တွေက တကယ့် Brand အကောင်းစားတွေနဲ့မလိုက်နိုင်တာပါ။ ပြင်ဆင်တဲ့ speed က သက်သက်ပါ။ လုပ်ဆောင်တဲ့ speed က Read/write speed ဖြစ်ပြီးတော့ အပြီးသတ်တာက ပြင်ဆင်တဲ့ speed နဲ့တူတူပါပဲ။ အဲ့တော့အများကြီးကူးတဲ့အခါ read/write speed တူရင်တောင် နောက်ကောက်ကျကျန်ခဲ့မှာဖြစ်ပြီးတော့ file သေးသေးလေးတွေအလှည့်လာရင် 4K performance မရှိလို့ COPYING လို့ပေါ်နေတဲ့ Graph မှာ speed က တစ်ဟုန်ထိုးကျသွားမှာဖြစ်ပါတယ်။ SSD တစ်ခု့ရဲ့ သက်တမ်း ----------------------- SSD ရဲ့ သက်တမ်း (TBW) ဆိုတာ Terabytes Written ပါ။ SSD တစ်ခု့မှာဘယ်လောက် Data တွေ write လို့ရလဲဆိုတာကို ပြောပြပါတယ်။ ဥပမာ Samsung SSD ထဲက 250GB ဆို - 150 TBW 500GB ဆို - 300 TBW 1TB ဆို - 600 TBW 150 TBW ဆိုရင် 150 terrabytes(150,000 GB) Write ပြီးတာနဲ့ သက်တမ်းကုန်ပြီဆိုတဲ့သဘောပါ။ ပြီးတော့ ဒီ specification က Estimate ပါ။ လုံးဝတိတိကျကျမဟုတ်ပါဖူး။ ဒီ Product ဒီ Brand ပဲတောင် အလုံးကွဲရင် နည်းနည်းလေးကွဲပါလိမ့်မယ်။ Full Format က ဒီသက်တမ်းကို တိုစေတာပါ။